وصفة سهلة جدا لتطويل الشعر...مجربة

من طرف **3ash8 nada el3yoon** الخميس مارس 12, 2009 10:28 am

السلام عليكم ورحمة الله وبركاتة
جبتليكم معاية هد الوصفة و كنتمنى متكونش مكررة , حتى الى كانت معاودة ديرو براصكوم معارفينهاش
منطولش
عليكم, اولا للامانة, هد الوصفة لقيتها فواحد المنتدى, جربتها و النتيجة
كانت رائعة تماما بحال الشهادات ديال الي جربوها, اي ان الشعر كيطوال
بحوالي 2 سم في ظرف 15 يوم.
العنصر
السحري هو "حليب جوز الهند" فقط لا غير, كتشققي بيه شعرك ثم دلكي فروة
الراس لتنشيط الدورة الدموية, وخليه في شعرك اطول مدة ممكنة نصف يوم او
يوم, ولا كان وقتك مكيسمحش خليه على الاقل واحد جوج سوايع.
انا
جربتو و لحظت الفرق شعري فعلا طوال في 15 يوم, و زيادة علا دلك ولا رطب او
مبقاش مشوك لدرجة انني مبقيتش كندير بروشينغ اللي مكانش يمكلي نخرج بلا
بيه. و قررت نبقى نديرو حتى نولي كنعتر في شعري
كنتمنى تعجبكم الصفة و تفيدكم كما فادتني, .

في امان الله, و متبخلوش علينا بالدعوات